მიმდინარე წლის 15 აპრილს, ხობის მუნიციპალიტეტის ბიის ადმინისტრაციულ ერთეულში, ადგილობრივმა მონადირემ მერიასთან გაფორმებული ხელშეკრულების საფუძველზე ერთი მგელი მოკლა.
2017 წელს, საქართველოს გარემოსა და ბუნებრივი რესურსების დაცვის სამინისტროსა და ხობის მუნიციპალიტეტის გამგეობას შორის „ხობის მუნიციპალიტეტის ტერიტორიაზე მგლისა და ტურის რაოდენობის რეგულირების ღონისძიებების განხორციელების შესახებ უფლებამოსილების დელეგირების თაობაზე“ გაფორმებული ხელშეკრულების შესაბამისად, ხობის მუნიციპალიტეტის გამგეობას (მერიას) ბუნებიდან 10 მგლისა და 20 ტურას ამოღების უფლება მიენიჭა.
17 აპრილს ნატო-ს დღეების ფარგლებში, ფოთის მუნიციპალიტეტის მერიაში სამეგრელო-ზემო სვანეთის ადგილობრივი თვითმმართველობის წარმომადგენლებისთვის საინფორმაციო შეხვედრა გაიმართა. შეხვედრაზე საქართველოს ევროატლანტიკური ინტეგრაციისა და ანტიდასავლურ პროპაგანდასთან ბრძოლის მეთოდების შესახებ ისაუბრეს.
ღონისძიებას, რომელსაც ნატო-ს სამეკავშირეო ოფისის წარმომადგენელი ტორსტენ დერიკი უძღვებოდა, სამეგრელო ზემო სვანეთის მხარეში სახელმწიფო რწმუნებული-გუბერნატორი ლევან შონია, ხობის მუნიციპალიტეტის მერი გოჩა ქაჯაია, საკრებულოს თავმჯდომარე ედიშერ ჯობავა, სხვა მუნიციპალიტეტების მერები და საკრებულოს თავმჯდომარეები ესწრებოდნენ.
ნატო-ს დღეები წელს მეთერთმეტედ აღინიშნება, რომელიც 1 მაისამდე გაგრძელდება. მისი მიზანია ალიანსისა და ნატო-საქართველოს თანამშრომლობის შესახებ საქართველოს მოქალაქეების ინფორმირება.