www.khobi.ge www.khobi.ge  www.khobi.ge www.khobi.ge  www.khobi.ge www.khobi.ge  www.khobi.ge www.khobi.ge  www.khobi.ge www.khobi.ge
სიახლეთა არქივი
SuMoTuWeThFrSa
 12345
6789101112
13141516171819
20212223242526
2728293031 

2018-05-14
საკონტრაქტო სამხედრო სამსახურის შესახებ შეხვედრა გაიმართა

საქართველოს თავდაცვის სამინისტრო საკონტრაქტო სამხედრო სამსახურში მიღებასთან დაკავშირებით საქართველოს მასშტაბით საინფორმაციო კამპანიას განაგრძობს.

კამპანიის ფარგლებში, თავდაცვის სამინისტროს  წარმომადგენლები, ხობის მუნიციპალიტეტის მერიის მოსამსახურეებს და თვითმმართველობის მიერ დაფუძნებული იურიდიული პირების თანამშრომლებს შეხვდნენ. შეხვედრა გაცნობით ხასიათს ატარებდა და საკონტრაქტო სამსახურში მიღებასთან დაკავშირებულ  საკითხებზე ამომწურავი ინფორმაციის მიწოდებას ისახავდა მიზნად.

 სამინისტროს წარმომადგენლებმა შეხვედრის მონაწილეებს საქართველოს შეიარაღებულ ძალებში მსახურის პირობები გააცნეს, სპეციალურად მომზადებული საინფორმაციო ბროშურები და თავდაცვის სამინისტროს გაზეთები დაურიგეს და მათ მიერ დასმულ კითხვებს უპასუხეს. კითხვები ძირითადად, სამხედრო სამსახურში არსებული პირობების, საწყისი საბრძოლო მომზადების კურსის საკითხებს, სოციალური პაკეტის გაუმჯობესებას, სამხედრო სამსახურში არსებულ პირობებსა და ანაზღაურების საკითხებს შეეხო.

2018-05-14
სემინარი - „ევროპა-საქართველოს ისტორიული არჩევანი“

ქალაქ თბილისის მუნიციპალიტეტის საკრებულოში ადგილობრივი თვითმმართველობის ხელმძღვანელი პირებისთვის სემინარი - „ევროპა-საქართველოს ისტორიული არჩევანი“ გაიმართა, რომელშიც ხობის მუნიციპალიტეტის მერი, გოჩა ქაჯაია მონაწილეობდა.
მერებს მისასალმებელი სიტყვით საქართველოს ვიცე-პრემიერმა, საქართველოს საგარეო საქმეთა მინისტრმა მიხეილ ჯანელიძემ, ქალაქ თბილისის მერმა, კახა კალაძემ, ქალაქ თბილისის საკრებულოს თავმჯდომარემ, გიორგი ტყემალაძემ და  „საინფორმაციო ცენტრი ნატოსა და ევროკავშირის შესახებ“ დირექტორმა, ნინო ბოლქვაძემ მიმართეს.

ღონისძიება „ევროპის დღეები 2018“-ის ფარგლებში გაიმართა.
 მონაწილეებს, დღის განმავლობაში, ევროკავშირის საკითხებზე მომუშავე ექსპერტები და ევროკავშირთან ინტეგრაციის პროცესში მონაწილე სამთავრობო უწყებების წარმომადგენლები  საქართველოსა და ევროპის ისტორიულ ურთიერთობებზე ესაუბრნენ.
 ღონისძიება საქართველოს საგარეო საქმეთა სამინისტროს და სსიპ-ის „საინფორმაციო ცენტრი ნატოსა და ევროკავშირის შესახებ“ ორგანიზებითა და თბილისის მუნიციპალიტეტის საკრებულოს მხარდაჭერით განხორციელდა.
 „ევროპის დღეები 2018“-ის მიზანი ევროკავშირისა და საქართველოს ურთიერთობების და ინტეგრაციის პროცესის შესახებ საქართველოს მოქალაქეების ინფორმირება და სხვადასხვა სამიზნე ჯგუფების ჩართულობის გაზრდაა.