ხობის მუნიციპალიტეტის მერი გოჩა ქაჯაია და მერის პირველი მოადგილე ვარაზ გაბედავა კრივში ევროპის პირველობის ვერცხლის პრიზიორს დემურ ქაჯაიას და მწვრთნელს, ედიკა თოდუას შეხვდნენ. მერმა ხობელ სპორტსმენს საერთაშორისო ასპარეზზე მოპოვებული გამარჯვება მიულოცა და წარმატებები უსურვა ევროპისა და მსოფლიოს პირველობებზე.
22-29 მაისს, ბულგარეთის ქალაქ ალბენაში გამართულ ევროპის პირველობაზე „ხობის მუნიციპალიტეტის კულტურულ-საგანმანათლებლო, საზოგადოებრივი ცენტრის“ სასპორტო სკოლის მოკრივემ, დემურ ქაჯაიამ, 41.5 კილოგრამ წონით კატეგორიაში მეორე ადგილი დაიკავა.
ფოტო ალბომი იხილეთ ფეისბუქ გვერდზე