ხობის მუნიციპალიტეტში შპს „საქართველოს მელიორაცია“ მორიგ პროექტს ახორციელებს. თორსა-დღვაბის ადმინისტრაციულ ერთეულში (ოქროს საწმისი) ერთ კილომეტრ მანძილზე ამოიწმინდება მდინარე მუნჩიას კალაპოტი და მოეწყობა დამბა. მიმდინარე სამუშაო ხობის მუნიციპალიტეტის მერმა გოჩა ქაჯაიამ, მერის პირველმა მოადგილემ, ვარაზ გაბედავამ და „საქართველოს მელიორაცია“-ს წარმომადგენლებმა დაათვალიერეს.
მდინარე მუნჩიას ადიდების შედეგად იტბორებოდა ადგილობრივი მოსახლეობის სასოფლო-სამეურნეო სავარგულები და მოსავლის მნიშვნელოვანი ნაწილი ზიანდებოდა.
პარალელურად, შუა ხორგის ადმინისტრაციულ ერთეულში შპს „საქართველოს მელიორაცია“ დამშრობი სისტემის რეაბილიტაციას ახორციელებს. პროექტის მიხედვით მოეწყობა 21 მილ-ხიდი და 140 ჰექტარ მიწის ნაკვეთზე გაიწმინდება არხები.