ხობის მუნიციპალიტეტის მერის პირველი მოადგილე ვარაზ გაბედავა და მერიის ეკონომიკური განვითარებისა და ქონების მართვის სამსახურის უფროსი ანტონ ვარდია ფონდ „აფხაზინტერკონტის“ წარმომადგენლებს შეხვდნენ და „რეგიონში დაბრუნებული მიგრანტებისათვის–ეფექტიანი მხარდაჭერის გარემოს შექმნა“ პროგრამასთან დაკავშირებული საკითხები განიხილეს. 2017 წელს, აღნიშნული პროგრამით ხობის მუნიციპალიტეტში მცხოვრებმა ექვსმა მოქალაქემ ისარგებლა და 18356 ლარის დაფინანსება მიიღო. საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ფინანსური მხარდაჭერით, ფონდ „აფხაზინტერკონტმა“ დაიწყო პროექტის განხორციელება: „რეგიონში დაბრუნებული მიგრანტებისათვის–ეფექტიანი მხარდაჭერის გარემოს შექმნა“. პროექტი ითვალისწინებს მიგრანტებისთვის შემდეგი მომსახურების მიწოდებას: -სამედიცინო მომსახურების და მედიკამენტების დაფინანსება; ფსიქო-სოციალური რეაბილიტაცია -სოციალური პროექტების დაფინანსება შემოსავლების წყაროების გაჩენისა და თვითდასაქმების ხელშეწყობის მიზნით -სამუშაოს მაძიებელთა პროფესიული მომზადება-გადამზადება და კვალიფიკაციის ამაღლება. პროგრამაში მონაწილეობა შეუძლიათ პირებს, რომლებიც საზღვარგარეთ იმყოფებოდნენ ერთ წელზე მეტი ვადით არალეგალურად, შეტანილი ჰქონდათ განაცხადი თავშესაფრის მიღებაზე ან სარგებლობდნენ თავშესაფრით და მათი სამშობლოში დაბრუნებიდან არ არის გასული ერთი წელი. პროგრამის შესახებ ვრცელი ინფორმაცია იხილეთ შემდეგ ბმულზე: http://aic.org.ge/%E1%83%90%E1%83%AE%E1%83%90%E1%83%9A%E1%83%98-%E1%83%9E%E1%83%A0%E1%83%9D%E1%83%94%E1%83%A5%E1%83%A2%E1%83%98-%E1%83%93%E1%83%90%E1%83%91%E1%83%A0%E1%83%A3%E1%83%9C%E1%83%94%E1%83%91%E1%83%
