www.khobi.ge www.khobi.ge  www.khobi.ge www.khobi.ge  www.khobi.ge www.khobi.ge  www.khobi.ge www.khobi.ge  www.khobi.ge www.khobi.ge
სიახლეთა არქივი
SuMoTuWeThFrSa
 1
2345678
9101112131415
16171819202122
23242526272829
30 

2018-09-26
აქტივების მართვის საკითხებზე ტრენინგი გაიმართა

ხობის მუნიციპალიტეტის მერიის სააქტო დარბაზში აქტივების მართვისა და კაპიტალური საინვესტიციო პროექტების შედგენასთან დაკავშირებულ საკითხებზე ტრენინგი გაიმართა, რომელსაც ხობის, სენაკის, მარტვილის და აბაშის მუნიციპალიტეტების წარმომადგენლები ესწრებოდნენ.

პროგრამა მიზნად ისახავს მუნიციპალიტეტების ინსტიტუციონალური შესაძლებლობების განვითარებას,  ინფრასტრუქტურული და საინვესტიციო პროექტების პორტფელის მომზადებაში დახმარებას.

მუნიციპალური შესაძლებლობების განვითარების პროექტი, „რეგიონალური და მუნიციპალური ინფრასტრუქტურის განვითარების მეორე პროექტის“ (srmidp) ნაწილია, რომელიც მსოფლიო ბანკის და შვეიცარიის განვითარების სააგენტოს დაფინანსებით ხორციელდება. პროექტი 2017 წლის აპრილში დაიწყო და 2019 წლის მარტამდე გაგრძელდება.

 

FACEBOOK

2018-09-26
საფუტკრე მეურნეობის მოწყობის საკითხებზე ტრენინგი გაიმართა
ხობის მუნიციპალიტეტის საკრებულოს სხდომათა დარბაზში სამრეწველო საფუტკრე მეურნეობის მოწყობის საკითხებზე ტრენინგი გაიმართა. „დასავლეთ საქართველოს მეფუტკრეთა ალიანსის“ თავმჯდომარემ, ედუარდ მელიამ ადგილობრივ ფერმერებთან ფუტკრის დაავადებების პრევენციის, მკურნალობის მეთოდების, მოვლა-პატრონობის და ნატურალური თაფლის წარმოების წესის შესახებ ისაუბრა.
ღონისძიება ევროკავშირის თანადაფინანსებით მიმდინარე პროექტის - „მცირე და საშუალო მეწარმეობის განვითარება და DCFTA საქართველოში“ - მხარდაჭერით გაიმართა, რომელსაც გერმანიის საერთაშორისო თანამშრომლობის საზოგადოება (GIZ) ახორციელებს.