ქალაქ ხობში, ნოდარ შენგელიას სახელობის სტადიონზე, მერაბ კიტიას ხსოვნისადმი მიძღვნილი ტურნირი გაიმართა მინიფეხბურთში. ტურნირის დაწყებამდე, მონაწილეებმა და ადგილობრივი თვითმმართველობის წარმომადგენლებმა წუთიერი დუმილით პატივი მიაგეს მერაბ კიტიას ხსოვნას. შეჯიბრში ქ. ხობის N1, ხობის N2, პირველი მაისის და ნოჯიხევის საჯარო სკოლების გუნდები მონაწილეობდნენ. პირველობის გამარჯვებული და მერაბ კიტიას სახელობის თასის მფლობელი ხობის N1 საჯარო სკოლის გუნდი გახდა. ღონისძიებას ხობის მუნიციპალიტეტის საკრებულოს თავმჯდომარე ედიშერ ჯობავა და ხობის მუნიციპალიტეტის მერის მოადგილე მახარე ჩოკორაია ესწრებოდნენ. მერაბ კიტია წლების მანძილზე მუშაობდა „ხობის მუნიციპალიტეტის კულტურულ-საგანმანათლებლო, საზოგადოებრივ ცენტრში“ და ხობის N1 საჯარო სკოლაში.
