8 აპრილს, ნოდარ შენგელიას სახელობის სტადიონზე სტარტი აიღო ანრი ჯგერენაიას სახელობის პირველობამ მინიფეხბურთში. ტურნირი ჯგუფური ეტაპის პრინციპით ტარდება და მასში, მუნიციპალიტეტის კერძო და საჯარო სკოლების რვა გუნდი მონაწილეობს. საფეხბურთო პირველობის გახსნით მატჩს საკრებულოს თავმჯდომარე ედიშერ ჯობავა და მერის მოადგილე მახარე ჩოკორაია ესწრებოდნენ. ფინალური შეხვედრები 12 აპრილს, 13 და 14 საათზე გაიმართება. სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობის მუნიციპალიტეტის საფეხბურთოკლუბ „კოლხეთის“ ორგანიზებით ხორციელდება.