ხობის მუნიციპალიტეტის საგვიჩიოს ადმინისტრაციულ ერთეულში, 2004 წელს საქართველოს ტერიტორიული მთლიანობისათვის დაღუპული ჯარისკაცის, კობა შუბითიძის სახელობის თასის გათამაშების ფინალური შეხვედრა გაიმართა. სტადიონზე შეკრებილმა გულშემატკივრებმა წუთიერი დუმილით კობა შუბითიძის ხსოვნას პატივი მიაგეს ტურნირში ახალსოფლის, საგვიჩიოს, შავღელეს, ჭალადიდის ადმინისტრაციული ერთეულების გუნდებთან ერთად, ქუთაისის მესამე ქვეითი ბრიგადის, სენაკის მეორე ქვეითი ბრიგადის, ხონის მეორე საარტილერიო ბრიგადის გუნდები მონაწილებენ. საფეხბურთო ტურნირის გამარჯვებული და კობა შუბითიძის სახელობის თასის მფლობელი სენაკის მეორე ქვეითი ბრიგადის გუნდი გახდა, რომელმაც ფინალში ხონის მეორე საარტილერიო ბრიგადის გუნდ, პენალტების სერიაში დაამარცხა. ტურნირის ფინალს დადაჯილდოების ცერემონიალს საქართველოს პარლამენტის წევრები: ირაკლი დაჩი ბერაია, ირაკლი ბერაია, მერაბ ქვარაია, დიმირტი მხეიძე, გოდერძი ჩანქსელიანი, ენძელა მაჭავარიანი, საქართველოს თავდაცვის სამინისტროს სახმელეთო ჯარების დასავლეთ სარდლობის სარდალი, გენერალი გიორგი მათითაშვილი ვეტერანების საქმეთა სამსახურის დირექტორი გენერალი ვლადიმერ იმნაძე, სამეგრელო-ზემო სვანეთი გუბერნატორის მოადგილე დავით კოდუა, ხობის მუნიციპალიტეტის მერი გოჩა ქაჯაია და საკრებულოს თავმჯდომარე ედიშერ ჯობავა ადგილობრივი ხელისუფლების წარმომადგენლებთან ერთად ესწრებოდნენ. სპორტული ღონისძიება ადგილობრივი თვითმმართველობის მხარდაჭერითა და ა(ა)იპ „ხობისმუნიციპალიტეტის საფეხბურთო კლუბ „კოლხეთის“ ორგანიზებით განხორციელდა.