საქართველოს სოფლის მეურნეობის მინისტრის
ბრძანება №2-63
2013 წლის 28 თებერვალი
ქ. თბილისი
საქართველოს სოფლის მეურნეობის სამინისტროს ტერიტორიული ორგანოების -
საინფორმაციო-საკონსულტაციო სამსახურების ტიპიური დებულების დამტკიცების
შესახებ
„საქართველოს ზოგადი ადმინისტრაციული კოდექსის“ 61-ე მუხლის, „საქართველოს მთავრობის
სტრუქტურის, უფლებამოსილებისა და საქმიანობის წესის შესახებ“ საქართველოს კანონის მე-19 მუხლის მე-4
პუნქტის და „საქართველოს სოფლის მეურნეობის სამინისტროს დებულების დამტკიცების შესახებ“
საქართველოს მთავრობის 2012 წლის 28 დეკემბრის №485 დადგენილებით დამტკიცებული საქართველოს
სოფლის მეურნეობის სამინისტროს დებულების მე-5 მუხლის პირველი პუნქტის „თ“ ქვეპუნქტისა და მე-6
მუხლის „ბ“ ქვეპუნქტის შესაბამისად, ვბრძანებ :
მუხლი 1
დამტკიცდეს საქართველოს სოფლის მეურნეობის სამინისტროს ტერიტორიული ორგანოების-საინფორმაციო-
საკონსულტაციო სამსახურების თანდართული ტიპიური დებულება.
მუხლი 2
ძალადაკარგულად გამოცხადდეს „საქართველოს სოფლის მეურნეობის სამინისტროს ტერიტორიული
ორგანოების ტიპიური დებულების დამტკიცების შესახებ“ საქართველოს სოფლის მეურნეობის მინისტრის
2009 წლის 14 აპრილის №2-86 ბრძანება.
მუხლი 3
ბრძანება ძალაში შევიდეს გამოქვეყნებისთანავე.
საქართველოს სოფლის მეურნეობის
მინისტრი დავით კირვალიძე
საქართველოს სოფლის მეურნეობის სამინისტროს ტერიტორიული ორგანოების -საინფორმაციო-საკონსულტაციო
სამსახურების ტიპიური
დებულება
მუხლი 1. ზოგადი დებულებანი
1. საქართველოს სოფლის მეურნეობის სამინისტროს ტერიტორიული ორგანოები-საინფორმაციო-
საკონსულტაციო სამსახურები (შემდგომში – სამსახურები) შექმნილია „საქართველოს სოფლის მეურნეობის
სამინისტროს დებულების დამტკიცების შესახებ“ საქართველოს მთავრობის 2012 წლის 28 დეკემბრის №485
დადგენილების საფუძველზე.
2. სამსახურები წარმოადგენენ საქართველოს სოფლის მეურნეობის სამინისტროს (შემდგომში – სამინისტრო)
ტერიტორიულ ორგანოს შესაბამის მუნიციპალიტეტში.
3. სამსახურები თავისი საქმიანობისას ხელმძღვანელობენ საქართველოს კონსტიტუციით, საქართველოს
საერთაშორისო ხელშეკრულებებით, საქართველოს კანონმდებლობით და ამ დებულებით.
4. სამსახურების დებულებას და საშტატო ნუსხას ამტკიცებს საქართველოს სოფლის მეურნეობის მინისტრი
(შემდგომში-მინისტრი).
5. სამსახურები ანგარიშვალდებულია სამინისტროს წინაშე, რომელიც ახორციელებს მათ სამსახურებრივ
ზედამხედველობას კანონით დადგენილი წესით.
მუხლი 2. სამსახურების უფლებამოსილებანი:
სამსახურების უფლებამოსილებებია:
ა) ინფორმაციის შეგროვება მუნიციპალიტეტის ადმინისტრაციულ-ტერიტორიულ საზღვრებში არსებული
სასოფლო-სამეურნეო სავარგულების შესახებ;
ბ) სამეურნეო წლის განმავლობაში ნათესი და ნარგავი ფართობების სრული განახლებადი საინფორმაციო
ბაზის შექმნა;
გ) მუნიციპალიტეტის ადმინისტრაციულ-ტერიტორიულ საზღვრებში კულტურების მიხედვით სავარაუდო
მოსავლის წინასწარი განსაზღვრა, ოპერატიული ინფორმაციის მიღება-დამუშავება;
დ) მუნიციპალიტეტის ადმინისტრაციულ-ტერიტორიულ საზღვრებში სამინისტროს მიერ
განსახორციელებული მიზნობრივი პროექტების შერჩევაში აქტიური მონაწილეობა, კონსულტაციის გაცემა და
მონიტორინგი;
ე) ადგილობრივ ბაზარზე სოფლის მეურნეობის პროდუქციის ფასების, ასევე წარმოების საშუალებების
ღირებულების შესახებ ინფორმაციის შეგროვება-დამუშავება-ანალიზი;
ვ) მუნიციპალიტეტის ადმინისტრაციულ-ტერიტორიულ საზღვრებში სასაწყობო და გადამამუშავებელი
საწარმოების არსებული პოტენციალის შესწავლა მემცენარეობისა და მეცხოველეობის პირველადი წარმოების
პროდუქტების მიხედვით;
ზ) საქართველოს კანონმდებლობის მიხედვით სოფლის მეურნეობაში მოქმედი სამართლებრივი და
საგადასახადო ვალდებულებების შესახებ დაინტერესებული პირების ინფორმირება;
თ) სამინისტროს პოლიტიკისა და პროგრამების შესახებ მოსახლეობის დროული ინფორმირება;
ი) სოფლის მეურნეობის სფეროში გამოვლენილი პრობლემებისა და არსებული მდგომარეობის შესახებ
სამინისტროს დროული ინფორმირება;
კ) მემცენარეობისა და მეცხოველეობის პროდუქციის წარმოების ტექნოლოგიური პროცესის ეკონომიკური
შეფასება (გამოყენებული წარმოების საშუალებებზე გაწეული დანახარჯების გათვალისწინებით) და
დაინტერესებული პირებისათვის რეკომენდაციების გაცემა;
ლ) სასოფლო-სამეურნეო კულტურების განაშენიანება-მოვლის თანამედროვე აგროტექნიკური მეთოდების
პოპულარიზაცია და დანერგვის ხელშეწყობა;
მ) ბაზარზე არსებული სათესლე და სარგავი მასალების შესახებ ინფორმაციის შეგროვება-დამუშავება, მათი
სპეციფიკაციის მიხედვით დაინტერესებული პირებისათვის კონსულტაციების გაწევა;
ნ) მუნიციპალიტეტში მექანიზაციის ხელმისაწვდომობაზე, ასევე, მათი რაციონალური გამოყენების შესახებ
დაინტერესებული პირებისათვის ინფორმაციის მიწოდება;
ო) ბაზარზე არსებული მცენარეთა დაცვის საშუალებების შესახებ ინფორმაციის შეგროვება და
დაინტერესებული პირებისათვის მათი გამოყენების მართებული მეთოდების შეთავაზება;
პ) მოსავლის აღებასთან დაკავშირებული მოსამზადებელი ტექნიკური ღონისძიებების და სხვა
ორგანიზაციული საკითხების შესახებ დაინტერესებული პირებისათვის კონსულტაციების გაწევა;
ჟ) აღებული მოსავლის შენახვის პირობების და ვადების შესახებ დაინტერესებული პირებისათვის
რეკომენდაციების გაწევა;
რ) ცხოველთა მოვლა-მოშენების თანამედროვე მეთოდების და ტექნოლოგიების პოპულარიზაცია, მათი
დანერგვის მიზნით;
ს) საძოვრების რაციონალური გამოყენების მიზნით დაინტერესებული პირებისათვის კონსულტაციის გაწევა;
ტ) ცხოველთა ჯანმრთელობის დაცვის მიზნით წლის განმავლობაში აუცილებელი ვეტერინარული და
სანიტარიული ღონისძიებების შესახებ დაინტერესებული პირებისათვის კონსულტაციების გაწევა;
უ) სახელმწიფო და ადგილობრივ თვითმართველობის ორგანოებთან, საერთაშორისო დონორ
ორგანიზაციებთან, ასევე ექსტენციის ცენტრებთან აქტიური თანამშრომლობა და შეხვედრებში მონაწილეობა;
ფ) სხვადასხვა ტრენინგების, სწავლებებისა და საინფორმაციო შეხვედრების ორგანიზება;
ქ) მერძეული და მეხორცული მიმართულების მსხვილფეხა და წვრილფეხა პირუტყვის პროდუქტიულობის
მაჩვენებლის ზრდის და სტაბილურად შენარჩუნების მიზნით საკვები რაციონის შესახებ რეკომენდაციების
გაცემა;
ღ) კანონმდებლობით დადგენილი წესით მუნიციპალიტეტებში სტიქიური მოვლენების შედეგების
სალიკვიდაციო საქმიანობის კომისიებში და სამუშაო ჯგუფებში მონაწილეობა, სოფლის მეურნეობის
ცალკეულ დარგებსა და სფეროებში შექმნილ საგანგებო სიტუაციათა ანალიზი და შეფასება;
ყ) კომპეტენციის ფარგლებში სტატისტიკის სფეროში მონაცემთა საინფორმაციო ბაზის შექმნაში მონაწილეობა
და კოორდინირებული საქმიანობა;
შ) საქართველოს კანონმდებლობით განსაზღვრული სხვა უფლება-მოვალეობათა განხორციელება.
მუხლი 3. სამსახურის სტრუქტურა
1. სამსახურების სტრუქტურა განისაზღვრება საშტატო ნუსხით, რომელსაც ბრძანებით ამტკიცებს მინისტრი.
2. სამსახურებს ხელმძღვანელობს სამსახურის უფროსი, რომელსაც თანამდებობაზე ნიშნავს და
ათავისუფლებს მინისტრი.
3. სამსახურების უფროსი:
ა) პასუხისმგებელია საქართველოს კონსტიტუციის, სხვა საკანონმდებლო და კანონქვემდებარე ნორმატიული
აქტების შესრულებისათვის იმ სფეროში, რომელიც სამსახურის მმართველობას განეკუთვნება;
ბ) პასუხისმგებელია სამსახურზე დაკისრებული ამოცანებისა და ფუნქციების დროული, კვალიფიციური და
ეფექტური შესრულებისათვის;
გ) აწესრიგებს სამსახურის გამგებლობის სფეროსათვის მიკუთვნებულ საკითხებს, კომპეტენციის ფარგლებში
იღებს გადაწყვეტილებს;
დ) ანაწილებს მოვალეობებს სამსახურის მთავარ და უფროს სპეციალისტებს შორის, აძლევს მათ
მითითებებსა და განკარგულებებს;
ე) ზედამხედველობს დაქვემდებარებული მოსამსახურეების მიერ მათზე დაკისრებული მოვალეობის
შესრულებას;
ვ) წარუდგენს სამინისტროს ხელმძღვანელობას წინადადებებს დაქვემდებარებული მოსამსახურეების
წახალისების ან დისციპლინური პასუხისმგებლობის თაობაზე;
ზ) აწარმოებს მოქალაქეთა პირად მიღებას;
თ) მინისტრს წარუდგენს ანგარიშს სამსახურის საქმიანობის შესახებ;
ი) პასუხს აგებს სახელმწიფო ქონების გამოყენებისა და დაცვისათვის, ორგანიზაციას უწევს ამ საქმიანობას.
4. სამსახურების უფროსს ექვემდებარება მთავარი და უფროსი სპეციალისტები, რომლებსაც თანამდებობაზე
ნიშნავს და თანამდებობიდან ათავისუფლებს მინისტრი.
მუხლი 4. სამსახურების რეორგანიზაცია და ლიკვიდაცია
სამსახურების რეორგანიზაცია ან ლიკვიდაცია ხორცილდება მოქმედი კანონდებლობით დადგენილი წესით.
მუხლი 5. დებულებაში ცვლილებების შეტანის წესი
დებულებაში ცვლილების შეტანა ხორციელდება საქართველოს კანონმდებლობით დადგენილი წესების შესაბამისად.
ასევე იხილე კატეგორიაში - საქართველოს სოფლის მეურნეობის სამინისტროს ტერიტორიული ორგანო-ხობის საინფორმაციო-საკონსულტაციო სამსახური: