ხობის მუნიციპალიტეტის ადმინისტრაციულ ერთეულებში სტიქიის შედეგად დაზიანებული ინფრასტრუქტურის აღდგენა მიმდინარეობს. ტექნიკის გამოყენებით იწმინდება სანიაღვრე არხები და შიდა სასოფლო გზები.
ადმინისტრაციულ ერთეულებში არსებულ მდგომარეობას და გზების რეაბილიტაციის პროცესს ხობის მუნიციპალიტეტის მერი გოჩა ქაჯაია და მერის პირველი მოადგილე ვარაზ გაბედავა შესაბამისისი სამსახურების წარმომადგენლებთან ერთად გაეცნენ.
10 აგვისტოს, უხვი ნალექის შედეგად დაიტბორა საკარმიდამო მიწის ნაკვეთები, სასოფლო-სამეურნეო სავარგულები, საცხოვრებელი სახლები, დაზიანდა შიდა სასოფლო გზები და ხიდ-ბოგირები.
პრობლემურ ადგილებზე იმყოფებიან საგანგებო სიტუაციების მართვის სააგენტოს ხობის სახანძრო-სამაშველო განყოფილების თანამშრომლები.
ხობის მუნიციპალიტეტის ზარალის დამდგენი კომისია ადგილზე შეისწავლის არსებულ მდგომარეობას დადაადგენს ზარალის მოცულობას.